Windows uchun yangi alifbo klaviaturasi
bitg — Windows’ning o‘z kiritish usuli (TSF). Uni bir marta tanlaysiz va keyin Word, Telegram, brauzer — hamma joyda eskicha yozasiz: «o‘zbek» → «özbek», «shahar» → «şahar».
Qanday ishlaydi?
Siz harflarni odatdagidek bosasiz. So‘z tugagach (probel, nuqta, vergul), bitg o‘sha so‘zni tekshiradi: o‘zbekcha bo‘lsa — yangi alifboga o‘giradi, inglizcha yoki havola bo‘lsa — tegmaydi.
| Yozasiz | Chiqadi |
|---|---|
| O‘zbekiston shaharlari | Özbekiston şaharlari |
| Please check the schedule, keyin choy ichamiz | Please check the schedule, keyin çoy içamiz |
| ma'no, san'at | maʼno, sanʼat |
| https://example.com/shop | https://example.com/shop |
O‘rnatish va tanlash
- MSI faylni yuklab oling va oching. O‘rnatuvchi klaviaturani «O‘zbek (lotin)» tiliga o‘zi qo‘shadi.
- Win + Probel bosib, ro‘yxatdan «bitg» ni tanlang.
- Yozing. Til panelida bitg tanlangan har oynada o‘girish ishlaydi.
Keraksiz joyga tegmaydi
- Inglizcha so‘zlar — check, shop, chat o‘zgarmaydi. bitg o‘zbek va ingliz lug‘ati, qo‘shimchalar va gap kontekstiga qaraydi: «Menga chat yozing» qoladi, «Menga choy yozing» → «Menga çoy yozing».
- Havola, email, kod — URL, @user, #teg, snake_case, camelCase, parolga o‘xshash so‘zlar.
- Brendlar — Photoshop, Chevrolet, Toshiba qo‘shimcha bilan ham o‘girilmaydi.
- Terminallar — Windows Terminal, PuTTY va boshqalarda standart holatda o‘chiq.
Xato o‘girsa nima qilaman?
So‘z o‘girilgandan keyin darhol Backspace bosing — asl so‘z qaytadi va shu dasturda boshqa o‘girilmaydi. Doimiy istisnolar ro‘yxati sozlamalarda (Istisnolar bo‘limi) — u yerda so‘z qo‘shasiz yoki o‘chirasiz.
Harfni bitta tugma bilan yozish
Sozlamalar → Klaviatura: «Yangi harflar tugmada» yoqilsa, tugma darhol yangi harfni yozadi. Tayyor tartiblar: Tilmoch ([ ö, ] ğ, ; ş, ' ç), kiritish.uz, TezYechim, Turkcha Q, faqat AltGr, kirill va o‘zingiz tuzadigan maxsus tartib. Taqqoslash: klaviatura tartiblari.
Tayyor matnni o‘girish: Ctrl + Shift + Y
Istalgan dasturda matnni belgilab Ctrl + Shift + Y bosing — u o‘sha joyda yangi alifboga o‘tadi (bitg klaviaturasi tanlanmagan bo‘lsa ham). Tugmani sozlamalarda almashtirish mumkin. Butun hujjat yoki jadval uchun: buyruq qatoridagi bitg file hujjat.docx (formatlash joyida qoladi).
Qaysi dasturlarda ishlaydi?
| Dastur turi | Holat |
|---|---|
| Word, Chrome, Edge, zamonaviy Windows ilovalari | To‘liq ishlaydi |
| Telegram Desktop va boshqa Qt dasturlari | Zaxira yo‘l bilan ishlaydi (so‘z probeldan keyin qayta yoziladi) |
| Terminallar | Standart holatda o‘chiq, sozlamadan yoqiladi |
Muammo bo‘lsa, GitHub’da yoki Telegram’da yozing. Tez-tez beriladigan holat: so‘zlar o‘girilmayapti — til panelida bitg tanlanganini tekshiring (Win + Probel).
Matnim qayerga ketadi?
Hech qayerga. bitg internetga ulanmaydi, yozilgan matnni saqlamaydi. Log faylida faqat dastur nomi va natija (masalan, «converted») bo‘ladi. Batafsil: maxfiylik.
Yangilangan: